Бугун, 21 сентябрь куни Тошкентдаги Миллий олимпия қўмитасида Индонезияда бўлиб ўтган XVIII Осиё ўйинларида ғолиб ва совриндор бўлган спортчиларни тақдирлаш маросими бўлиб ўтди. Бу ҳақда «Дарё» мухбири хабар бермоқда.
Тақдирлаш маросимида сўзга чиққан Ўзбекистон бош вазири Абдулла Арипов Осиё ўйинларида совриндор бўлган спортчиларнинг мураббийларига қанча миқдорда мукофот пуллари берилишига ойдинлик киритди. Ариповга кўра, шогирдлари Осиё ўйинларида қўлга киритган медалига қараб қуйидагича мукофот пулига эга бўлади:
- Олтин медалга — 2,5 минг доллар;
- Кумуш медалга — 1,5 минг доллар;
- Бронза медалга — 1 минг доллар.
Маълумот учун, XVIII ёзги Осиё ўйинларида Ўзбекистон шарафини 30 та спорт тури бўйича 232 нафар спортчи ҳимоя қилди. Шундан 21 нафар спортчи олтин, 24 спортчи кумуш ва 25 нафар спортчи бронза медални қўлга киритди.
Изоҳ (0)