Suriyada urib tushirilgan Il-20 samolyoti ekipaji tarkibida halok bo‘lgan deb e’lon qilingan rossiyalik harbiy Andrey Sergeyenko tirik bo‘lib chiqdi, deb yozadi “Vzglyad”.
Sergeyenkovning rafiqasi uning turmush o‘rtog‘i sog‘-omon va ayni paytda Suriyadagi Xmeymim aviabazasida ekanligini ma’lum qildi, u urib tushirilgan samolyot bortida bo‘lmagan.
“Bu ma’lumot yuz foiz aniq, uni qanday bilganimni aytolmayman. Il-20 da erim hech qachon uchmagan”, — dedi Tatyana Sergeyenko unga turmush o‘rtog‘ining o‘zi qo‘ng‘iroq qilib tinchlantirganini aytar ekan.
Manbalar so‘zlariga ko‘ra, Andrey Sergeyenkovning o‘rniga, halok bo‘lganlar ro‘yxatida uning boshqa ismli familiyadoshi ko‘rsatilishi kerak edi, ayni vaqtda ma’lumot aniqlashtirilmoqda.
Eslatib o‘tamiz, Rossiyaning Il-20 samolyoti Suriya havo hujumiga qarshi mudofaa qo‘shiniga tegishli S-200 qiruvchi raketasi yordamida urib tushirildi. Oqibatda 15 nafar rossiyalik harbiy xizmatchi halok bo‘ldi.
Izoh (0)