Сурияда уриб туширилган Ил-20 самолёти экипажи таркибида ҳалок бўлган деб эълон қилинган россиялик ҳарбий Андрей Сергеенко тирик бўлиб чиқди, деб ёзади «Взгляд».
Сергеенковнинг рафиқаси унинг турмуш ўртоғи соғ-омон ва айни пайтда Суриядаги Хмеймим авиабазасида эканлигини маълум қилди, у уриб туширилган самолёт бортида бўлмаган.
«Бу маълумот юз фоиз аниқ, уни қандай билганимни айтолмайман. Ил-20 да эрим ҳеч қачон учмаган», — деди Татьяна Сергеенко унга турмуш ўртоғининг ўзи қўнғироқ қилиб тинчлантирганини айтар экан.
Манбалар сўзларига кўра, Андрей Сергеенковнинг ўрнига, ҳалок бўлганлар рўйхатида унинг бошқа исмли фамилиядоши кўрсатилиши керак эди, айни вақтда маълумот аниқлаштирилмоқда.
Эслатиб ўтамиз, Россиянинг Ил-20 самолёти Сурия ҳаво ҳужумига қарши мудофаа қўшинига тегишли С-200 қирувчи ракетаси ёрдамида уриб туширилди. Оқибатда 15 нафар россиялик ҳарбий хизматчи ҳалок бўлди.
Изоҳ (0)