Бугун, 18 сентябрь санасида Ўзбекистон Кубогининг 1/4 финалидан ўрин олган дастлабки икки учрашув бўлиб ўтди.
Битта ўйиндан иборат чорак финалнинг биринчи жуфтлик баҳсига Қўқон шаҳри мезбонлик қилди. Унда «Қўқон-1912» жамоаси Навоийнинг «Қизилқум» клубини қабул қилиб, Суҳроб Бердиевнинг ҳар иккала бўлимда биттадан киритган голлари эвазига ғалабага эришди ва ярим финалга чиқди.
Чорак финалнинг яна бир жуфтлиги баҳси Тошкентда «Пахтакор» ва «Локомотив» ўртасида бўлиб ўтди. Унда «шерлар» «темирйўлчилар»ни 4:0 ҳисобида тор-мор этди. Биринчи бўлимнинг 21-дақиқасида Егор Кримец жамоасини олдинга олиб чиқди. 42-дақиқада «Локо» аъзоси Садриддин Абдуллаев қўполлиги сабаб майдондан четлатилди. Иккинчи бўлимда бразилиялик Тиаго Безерра дублга эришган бўлса, шунингдек, Игорь Сергеев ҳам ўз номига гол ёзиб қўйди.
Шу тариқа, бугуннинг ўзида Ўзбекистон кубогининг икки ярим финалчиси номи маълум бўлди.
Ўзбекистон Кубоги
1/4 финал беллашувлари
18 сентябрь, сешанба
«Қўқон-1912» – «Қизилқум 2:0
Голлар: 1:0—17 Суҳроб Бердиев, 2:0—77 Суҳроб Бердиев.«Пахтакор» – «Локомотив» 4:0
Голлар: 1:0—21 Егор Кримец, 2:0—53 Тиаго Безерра, 3:0—82 Тиаго Безерра, 4:0—89 Игорь Сергеев.Четлатиш: Садриддин Абдуллаев 42.
Изоҳ (0)