Apple kompaniyasi 12-sentabr kuni ayfonlarning uchta yangi modelini namoyish qildi, deb yozadi Meduza. Ularning barchasi romsiz ekranli hamda Face ID’ni o‘z ichiga yashirgan “qoshli” iPhone X’ga o‘xshatib yasalgan.
iPhone XS
iPhone X’ning juda tezkor yangi A12 Bionic protsessori o‘rnatilgan yaxshilangan versiyasi, tashqi jihatdan esa avvalgidek ko‘rinishga ega. Ekrani hamon 5,8 dyuymga teng, ammo tillarang korpusli va 512 Gb ekranli versiyalar paydo bo‘ldi. Akkumulyatori iPhone X’nikidan yarim soat uzoqroqqa yetadi. Ustiga-ustak, ularga ikkita SIM-karta o‘rnatish mumkin.
Narxi 999 dollardan boshlanadi. Sotuvga 21-sentabrda chiqadi.iPhone XS Max
Ekrani 6,5 dyuym (bunday katta ayfonlar hali bo‘lmagan), akkumulyatori esa iPhone X’nikidan 1,5 soat ko‘proq ishlaydi. Qolgan jihatlari — XS’niki kabi.
Narxi 1099 dollardan boshlanadi. 21-sentabrdan sotuvga chiqadi.iPhone XR
Ancha arzonroq versiya: OLED o‘rniga LCD ekran (iPhone 8 dagidek), yon romlari po‘lat emas, alyuminiydan. Biroq ekrani 6,1 dyuym va korpusi xilma-xil rangli: oq, qora, qizil, sariq, korall va ko‘k. Asosiy kamerasi bittalik. Protsessori — A12 Bionic.
Narxi 749 dollardan boshlanadi. Sotuvga 26-oktabr kuni chiqadi.
Izoh (0)