Apple компанияси 12 сентябрь куни айфонларнинг учта янги моделини намойиш қилди, деб ёзади Meduza. Уларнинг барчаси ромсиз экранли ҳамда Face ID’ни ўз ичига яширган «қошли» iPhone X’га ўхшатиб ясалган.
iPhone XS
iPhone X’нинг жуда тезкор янги А12 Bionic процессори ўрнатилган яхшиланган версияси, ташқи жиҳатдан эса аввалгидек кўринишга эга. Экрани ҳамон 5,8 дюймга тенг, аммо тилларанг корпусли ва 512 Гб экранли версиялар пайдо бўлди. Аккумулятори iPhone X’никидан ярим соат узоқроққа етади. Устига-устак, уларга иккита SIM-карта ўрнатиш мумкин.
Нархи 999 доллардан бошланади. Сотувга 21 сентябрда чиқади.iPhone XS Max
Экрани 6,5 дюйм (бундай катта айфонлар ҳали бўлмаган), аккумулятори эса iPhone X’никидан 1,5 соат кўпроқ ишлайди. Қолган жиҳатлари — ХS’ники каби.
Нархи 1099 доллардан бошланади. 21 сентябрдан сотувга чиқади.iPhone XR
Анча арзонроқ версия: OLED ўрнига LCD экран (iPhone 8 дагидек), ён ромлари пўлат эмас, алюминийдан. Бироқ экрани 6,1 дюйм ва корпуси хилма-хил рангли: оқ, қора, қизил, сариқ, коралл ва кўк. Асосий камераси битталик. Процессори — А12 Bionic.
Нархи 749 доллардан бошланади. Сотувга 26 октябрь куни чиқади.
Изоҳ (0)