12-sentabr, chorshanba kuni taqdim etiladigan yangi Apple smartfonlarining nomlari internetda e’lon qilindi, deb yozadi 9to5mac Xitoyning Weibo ijtimoiy tarmog‘idagi postga asoslanib.
Manba ta’kidlashicha, Xitoydagi eng yirik China Mobile uyali aloqa operatorining yopiq taqdimotida qatnashgan. U yerda u yangi iPhone’lar haqidagi tafsilotlarni fosh qiluvchi slaydlarni suratga tushirgan. Surat Apple 5,8, 6,5 va 6,1 dyuym ekranli uchta iPhone chiqarishini tasdiqlaydi. Ilk ikkitasi iPhone XS va XS Plus, uchinchisi esa — iPhone XC deb ataladi.
Shuningdek, slaydda yangi smartfonlarning narxlari quyidagicha ko‘rsatilgan: iPhone XS — 7388 yuan (taxminan 1077 dollar), XS Plus — 8388 yuan (1223 dollar), XC — 5888 yuan (858 dollar).
Izoh (0)