Toshkentda avtomobil salonidan 9 575 AQSh dollarini o‘g‘irlagan shaxslar qo‘lga olindi, deb xabar beradi O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.
Toshkent shahrining Chilonzor tumanida shu yil 28-iyul kuni noma’lum shaxs Bunyodkor ko‘chasi oldida eshiklari ochiq holda qarovsiz qoldirilgan Buxoro tumanida yashovchi Sh.B.ga tegishli Lacetti rusumli avtomashina salonidan 9 575 AQSh dollarini o‘g‘irlab ketgan va holat yuzasidan jinoyat ishi qo‘zg‘atilgan edi.
Ko‘rilgan choralar natijasida ushbu jinoyatni Andijon shahrida yashovchi Q.U. va muqaddam sudlangan U.U.lar sodir etganliklari aniqlanib, ushlangan.
Izoh (0)