Qashqadaryo viloyatining Nishon tumani, Samarqand mahallasida yashovchi A.U. IIBga o‘zi duch kelgan firibgarlik holati yuzasidan murojaat qildi. Bu haqda IIV jamoatchilik va OAV bilan aloqalar boshqarmasi xabar berdi.
Arizachiga ko‘ra, ikki nafar noma’lum shaxs “Oydin” qoramol bozorida unga tegishli 2 bosh qoramolni 4,5 million so‘mga sotib olishga kelishadi. Unga dastlab 100 000 so‘m berib, qolgan pulni Qarshi shahrida berishga kelishishadi. Bu yerda esa unga qalbaki (suvenir) 600 AQSh dollari tutqazishadi.
Holat yuzasidan jinoyat ishi qo‘zg‘atilgan. Ko‘rilgan choralar natijasida ushbu jinoyatni Koson tumani yashovchi E.T. va S.D. sodir etganliklari aniqlanib, ushlandi.
Tergov harakatlari davom etmoqda.
Izoh (0)