Bosh vazir o‘rinbosari Aziz Abduhakimov Uzbekistan today bilan suhbatda xalq ta’limi tizimidagi islohotlar haqida fikr bildirdi, deb yozadi “Gazeta.uz”.
“Bolalarning bilim olishlari va o‘qituvchilarning yaxshi ishlashlari uchun ularga qulay shart-sharoitlarni yaratishimiz kerak. Bu yerda hamma o‘z ishini bajarishi kerak. Prezidentimizning ‘Xalq ta’limi tizimini takomillashtirishga doir qo‘shimcha chora-tadbirlar to‘g‘risida’gi va ‘Xalq ta’limi tizimiga yangi boshqaruv tamoyillarini joriy etish chora-tadbirlari to‘g‘risida’gi farmoni doirasida bunday shart-sharoitlar yaratiladi”, — dedi Aziz Abduhakimov suhbat avvalida.
“Bizda ayrim maktablarda o‘quvchilar ko‘pligidan to‘lib toshgan, boshqalari esa deyarli bo‘m-bo‘sh. Bu holatda o‘quvchisi ko‘p bo‘lgan sinfda dars o‘tish o‘qituvchiga qiyinchilik tug‘diradi, maktab ma‘muriyati esa ta’lim va tarbiya jarayonining sifatiga yetarlicha e‘tibor qaratmaydi. Biz bu vaziyatni albatta tuzatamiz.
O‘quvchisi ko‘p bo‘lgan ta’lim muassasalarining o‘rniga asosan xususiy tadbirkorlar ishtirokida va davlat-xususiy sektor hamkorligi asosida yangi maktablar quramiz. Hozirgi kunda Qoraqalpog‘iston Respublikasi Vazirlar Kengashi raisi, viloyat hokimi va Toshkent shahri ‘E-IJRO AUKSION’ yagona elektron savdo maydonchasi yer uchastkalari ajratish bo‘yicha o‘quv yurtlariga har tomonlama yordam berish uchun shaxsan mas’uldirlar.
Shunday qilib, har yili har bir viloyatda kamida 50 maktab barpo etiladi. Bundan tashqari, xususiy maktabni tashkil etish niyatida bo‘lgan tadbirkorlarga prezident tomonidan ‘Xalq ta’limi tizimida yangi boshqaruv tamoyillarini joriy etish chora-tadbirlari to‘g‘risida’gi farmonida ko‘rsatilgan imtiyozlar taqdim etiladi.
Biz nodavlat ta’lim muassasalariga nisbatan mutlaqo boshqacha munosabatdamiz. Biz ularni eng dolzarb muammolarni hal qilishda asosiy hamkor deb bilamiz. O‘zbekiston nodavlat ta’lim muassasalari assotsiatsiyasi bilan hamkorlik kengaymoqda. O‘zbekiston Respublikasi nodavlat ta’lim muassasalari assotsiatsiyasiga professor-o‘qituvchilarini qayta tayyorlash va malakasini oshirish uchun raqobat muhitini yaratish, shuningdek, nodavlat ta’lim muassasalarining pedagogik kadrlari uchun qayta tayyorlash va malakasini oshirishni tashkil etish huquqi berildi.
Xususiy maktabni bitirgan o‘quvchilarga davlat attestatlari beriladi.
Shu bilan birga, biz faqat tadbirkorlarning yordamini kutamiz. Xalq ta’limi vaziri muvaffaqiyatli faoliyat olib borayotgan ta’lim muassasalari tarkibiga koeffitsenti past bo‘lgan boshqa maktablarni qo‘shish asosida tarmoq maktablarini tashkil etish huquqiga ega bo‘ldi. Shunday qilib, zaif tomon kuchli tomonga qo‘shiladi.
Maktablarda ta’lim sifatini oshirish uchun yanada faol ish olib borish uchun poytaxtimizning Mirzo Ulug‘bek tumanida maktablarni moliyalashtirishning yangi vaucher tartibi amaliyotga tatbiq etilmoqda. O‘quv muassasasi o‘quvchilar soni asosida moliyalashtiriladi. Bu maktablar orasidagi raqobatni kuchaytiradi va kuchlisi saqlanib qoladi”.
Izoh (0)