Бош вазир ўринбосари Азиз Абдуҳакимов Uzbekistan today билан суҳбатда халқ таълими тизимидаги ислоҳотлар ҳақида фикр билдирди, деб ёзади «Газета.uz».
«Болаларнинг билим олишлари ва ўқитувчиларнинг яхши ишлашлари учун уларга қулай шарт-шароитларни яратишимиз керак. Бу ерда ҳамма ўз ишини бажариши керак. Президентимизнинг ‘Халқ таълими тизимини такомиллаштиришга доир қўшимча чора-тадбирлар тўғрисида’ги ва ‘Халқ таълими тизимига янги бошқарув тамойилларини жорий этиш чора-тадбирлари тўғрисида’ги фармони доирасида бундай шарт-шароитлар яратилади», — деди Азиз Абдуҳакимов суҳбат аввалида.
«Бизда айрим мактабларда ўқувчилар кўплигидан тўлиб тошган, бошқалари эса деярли бўм-бўш. Бу ҳолатда ўқувчиси кўп бўлган синфда дарс ўтиш ўқитувчига қийинчилик туғдиради, мактаб маъмурияти эса таълим ва тарбия жараёнининг сифатига етарлича эътибор қаратмайди. Биз бу вазиятни албатта тузатамиз.
Ўқувчиси кўп бўлган таълим муассасаларининг ўрнига асосан хусусий тадбиркорлар иштирокида ва давлат-хусусий сектор ҳамкорлиги асосида янги мактаблар қурамиз. Ҳозирги кунда Қорақалпоғистон Республикаси Вазирлар Кенгаши раиси, вилоят ҳокими ва Тошкент шаҳри ‘E-IJRO AUKSION’ ягона электрон савдо майдончаси ер участкалари ажратиш бўйича ўқув юртларига ҳар томонлама ёрдам бериш учун шахсан масъулдирлар.
Шундай қилиб, ҳар йили ҳар бир вилоятда камида 50 мактаб барпо этилади. Бундан ташқари, хусусий мактабни ташкил этиш ниятида бўлган тадбиркорларга президент томонидан ‘Халқ таълими тизимида янги бошқарув тамойилларини жорий этиш чора-тадбирлари тўғрисида’ги фармонида кўрсатилган имтиёзлар тақдим этилади.
Биз нодавлат таълим муассасаларига нисбатан мутлақо бошқача муносабатдамиз. Биз уларни энг долзарб муаммоларни ҳал қилишда асосий ҳамкор деб биламиз. Ўзбекистон нодавлат таълим муассасалари ассоциацияси билан ҳамкорлик кенгаймоқда. Ўзбекистон Республикаси нодавлат таълим муассасалари ассоциациясига профессор-ўқитувчиларини қайта тайёрлаш ва малакасини ошириш учун рақобат муҳитини яратиш, шунингдек, нодавлат таълим муассасаларининг педагогик кадрлари учун қайта тайёрлаш ва малакасини оширишни ташкил этиш ҳуқуқи берилди.
Хусусий мактабни битирган ўқувчиларга давлат аттестатлари берилади.
Шу билан бирга, биз фақат тадбиркорларнинг ёрдамини кутамиз. Халқ таълими вазири муваффақиятли фаолият олиб бораётган таълим муассасалари таркибига коэффиценти паст бўлган бошқа мактабларни қўшиш асосида тармоқ мактабларини ташкил этиш ҳуқуқига эга бўлди. Шундай қилиб, заиф томон кучли томонга қўшилади.
Мактабларда таълим сифатини ошириш учун янада фаол иш олиб бориш учун пойтахтимизнинг Мирзо Улуғбек туманида мактабларни молиялаштиришнинг янги ваучер тартиби амалиётга татбиқ этилмоқда. Ўқув муассасаси ўқувчилар сони асосида молиялаштирилади. Бу мактаблар орасидаги рақобатни кучайтиради ва кучлиси сақланиб қолади».
Изоҳ (0)