Foto: Putin bilan “Navalniy 2018” yozuvli futbolka kiyib olgan o‘quvchi suratga tushdi. Suratni Kreml e’lon qildi

1-sentabr kuni Rossiya prezidenti Vladimir Putin Sochida 2017—2018-o‘quv yilidagi olimpiadalar g‘oliblari va ularning ustozlari bilan uchrashdi, deb yozadi “Dojd”.

Muxolifatchi Aleksey Navalniy asos solgan Korrupsiyaga qarshi kurash fondi IT-konsultanti Vladislav Zdolnikov o‘quvchilardan biri “Navalniy 2018” yozuvi tushirilgan futbolka kiyib olganiga e’tibor qaratdi.

Bunday fotosurat “TASS” agentligining fotobankida, shuningdek, Kreml saytida bor. Futbolkadagi yozuv to‘liq ko‘rinmasa-da, unda Aleksey Navalniy familiyasining so‘nggi harflarini va raqamlarning boshini payqash mumkin. Bunday futbolka siyosatchining do‘konida sotiladi.

Kreml saytida ushbu o‘quvchi ishtirokidagi yana bir fotosurat ham bor.