Rossiya prezidenti Vladimir Putin 2017/2018-o‘quv yilidagi olimpiadalar g‘oliblari va ularning ustozlari bilan Sochida bo‘lib o‘tgan uchrashuvda o‘zi bolaligida yashagan mahalla (dvor — hovli) haqida gapirib berdi, deb yozadi “Vesti.ru”.
Davlat rahbari eng asosiy boyliklardan biri sifatida odamlar bilan muloqotni, u shu jumladan, mahalla bolalari orasida boshlanishini aytib o‘tdi. Shu bilan birga, shahar imoratlari shaxslararo munosabatlarga ta’sir ko‘rsatmasligini qo‘shib qo‘ydi.
“Men hovlida, tom ma’noda — chuqurda (ko‘p qavatli uylar bilan o‘ralgan tor hovli) yashaganman. Eski Peterburg, Leningrad, shaharning qoq markazi Nevskiy shoh ko‘chasidan piyoda uch daqiqa”, — deya o‘z xotiralari bilan bo‘lishdi prezident.
Shuningdek, o‘quvchilarning savollariga javob berar ekan, Putin bolaligida prezident bo‘lish haqida orzu qilmaganini va o‘qishni yaxshi ko‘rganini aytdi. Bo‘lg‘usi davlat rahbarining bolaligi mahallada o‘tgan, u vaqtini bemalol o‘tkazgan, dedi u.
Izoh (0)