Bortida 164 yo‘lovchi bo‘lgan Utair aviakompaniyasining Moskvadan uchib kelayotgan Boeing 737 samolyoti Sochi aeroportiga qo‘nayotgan paytda uchish-qo‘nish yo‘lagidan chiqib ketib, daryo o‘zaniga quladi. Bu haqda “RIA Novosti” xabar bermoqda.
Samolyotning shassi tirgaklari va qanoti singan, chap dvigatel yongan. Laynerning burun qismiga ham shikast yetgan.
Samolyot bortidagilardan hech kim halok bo‘lmagan, ammo qutqaruv ishlari vaqtida Sochi aeroporti xodimi vafot etgan. Dastlabki taxminlarga ko‘ra, uning o‘limiga yurak xuruji sabab bo‘lgan.
Bortda bo‘lgan 164 yo‘lovchi va 6 ekipaj a’zosi evakuatsiya qilingan. Hodisa oqibatida 18 kishi jarohatlangan, ulardan 3 nafari bolalardir. Hozir jabrlanganlarga tibbiy yordam ko‘rsatilmoqda. Ularning sog‘lig‘iga hech narsa xavf solmayotgani aytilmoqda.
Izoh (0)