1 сентябрь куни Россия президенти Владимир Путин Сочида 2017—2018-ўқув йилидаги олимпиадалар ғолиблари ва уларнинг устозлари билан учрашди, деб ёзади «Дожд».
Мухолифатчи Алексей Навальний асос солган Коррупцияга қарши кураш фонди IT-консултанти Владислав Здолников ўқувчилардан бири «Навальний 2018» ёзуви туширилган футболка кийиб олганига эътибор қаратди.
Бундай фотосурат «ТАСС» агентлигининг фотобанкида, шунингдек, Кремль сайтида бор. Футболкадаги ёзув тўлиқ кўринмаса-да, унда Алексей Навальний фамилиясининг сўнгги ҳарфларини ва рақамларнинг бошини пайқаш мумкин. Бундай футболка сиёсатчининг дўконида сотилади.
Кремль сайтида ушбу ўқувчи иштирокидаги яна бир фотосурат ҳам бор.
Изоҳ (0)