Mamlakatimiz taraqqiyotining o‘tgan chorak asrdan ziyod davri davomida barcha sohalarda olib borilgan keng ko‘lamli islohotlar sirasida demokratik saylov tizimi va milliy saylov qonunchiligi shakllandi hamda izchil takomillashtirilib kelinmoqda. Qaror topgan saylov tizimi O‘zbekiston Respublikasi Konstitutsiyasida mustahkamlangan prinsiplarga hamda umume’tirof etilgan xalqaro saylov standartlariga tamomila mosdir.
Davlatimiz rahbari tashabusi bilan ishlab chiqilgan “2017–2021-yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasiga muvofiq qabul qilingan “Faol tadbirkorlik, innovatsion g‘oyalar va texnologiyalarni qo‘llab-quvvatlash yili”da amalga oshirishga oid davlat Dasturi to‘g‘risida”gi Farmon ilovasining 2, 5 va 7-bandlarida milliy saylov tizimini isloh etish yuzasidan dolzarb muhim vazifalar beligilab berilgan.
Mamlakatimiz tarixida birinchi marta 2017-yil 22-dekabr kuni O‘zbekiston Respublikasi Prezidenti Oliy Majlisga Murojaatnoma bilan yuzlandi. Bu zamonoviy davlatchiligimiz tarixida ulkan o‘zgarish yasagan voqea bo‘ldi.
Parlamentga taqdim etilgan Murojaatnomanda qabul qilingan 5 ta Qonun va bir qator qonunosti hujjatlari, afsuski, haligacha yaxlit bir hujjat shakliga keltirilmaganligi, shu sababli xalqaro norma va standartlarga javob beradigan yagona Saylov kodeksini ishlab chiqish va qabul qilish lozimligi ta’kidlagan. Saylov kodeksini ishlab chiqilishi va qabul qilinishi, saylov tizimimizning bundan buyongi takomillashtirilishi milliy saylov qonunchiligimiz rivojidagi yangi bosqich deb e’tirof etilishi lozim.
Saylov kodeksini yaratishning asosiy maqsadi:
- fuqarolarning saylov huquqlarini himoya qilishning qo‘shimacha amaliy mexanizmlarini takomillashtirish;
- saylov qonunchiligini tizimlashtirish, unifikatsiyalash (bir xillashtirish);
- saylov huquqi normalari iyerarxiyasini ta’minlash;
- saylov jarayoni ochiqligining kafolatlari kuchaytirishdan iborat.
X.A.Abdurahmanov
O‘zbekiston Respublikasi Markaziy saylov komissiyasi Kotibiyati
Tashkiliy-metodik bo‘limi boshlig‘i
Izoh (0)