O‘zbekistonda ishlashdan to‘xtagan observatoriya faoliyati koinotni nazorat qilish uchun qayta tiklandi

Rossiya Fanlar akademiyasining Keldish nomidagi amaliy matematika instituti koinotni nazorat qilish uchun butun Yer shari bo‘ylab taqsimlangan teleskoplar tarmog‘ini yaratdi, deb yozadi Sputnik.

U SSSR tarqalib ketganidan keyin ishlashdan to‘xtagan Yerga yaqin orbitani kuzatish uchun yagona tarmoq o‘rniga tashkil etildi.

Eski Tarixa (Boliviya), Ussuriysk, Blagoveshchensk, Xuraltogot (Mo‘g‘uliston), Kitob (O‘zbekiston), Hisor va Sangloq (Tojikiston), Abastumani (Gruziya), Ujgorod (Ukraina) hamda Kastelgrande (Shveysariya) observatoriyalarida kuzatish qayta tiklandi. Shuningdek, yangi joylar o‘rganilib, yana sakkizta kuzatish punktlari tashkil qilindi.

Keldish instituti boshqaruvidagi qayta tiklangan va yangi teleskoplar sun’iy yo‘ldoshlarning uchirilishi, ularning orbitada vayron bo‘lishi yoki atmosferaga kirishi haqida ma’lumot oladi, kosmik qurilmalarning potensial xavfli yaqinlashuvlarini kuzatadi, kosmik chiqindi tarqalishi modelini kuzatadi va aniqlashtiradi.