Qozogʻiston TIV sobiq xodimi Toshkentdagi elchixona taʼmirlanishida 200 ming dollar oʻmarganlikda gumon qilinmoqda
Qozogʻiston TIV sobiq masʼul kotibi Anarbek Karashev mamlakatning Oʻzbekistondagi elchixonasi kapital taʼmirlanishi uchun ajartilgan 200 ming dollarni oʻmarganlikda gumon qilinmoqda. Bu haqda UzNews xabar berdi.
Qozogʻiston korrupsiyaga qarshi kurash boʻyicha milliy byurosi mansabdorni muntazam ravishda pora olganlik, budjet mablagʻlarini oʻta yirik miqdorda talon-taroj etilishiga rahnamolik qilganlik va ishtirok etganlikda ayblamoqda.
Jumladan, tergov davomida Qozogʻistonning Oʻzbekistondagi elchixonasi binosi kapital taʼmirlanishi davomida ish hajmlari toʻliq bajarilmagani aniqlandi. Dastlabki maʼlumotlarga koʻra, bu harakatlardan koʻrilgan zarar 70 million tengeni (200 ming dollar atrofida) tashkil etdi.
Qozogʻiston OAVlariga koʻra, tintuvlar davomida gumonlanuvchi Anarbek Karashevdan 1,5 million dollar musodara qilingan.
