Xitoy shimoli-sharqidagi Xeylunszyan provinsiyasining Xarbin shahridagi mehmonxonasida chiqqan yong‘inda 18 kishi halok bo‘ldi. Bu haqda Sinxua agentligiga tayanib, “RIA Novosti” xabar berdi.
Hodisa 25-avgust, shanba kuni tongda ro‘y bergan. To‘rt qavatdan iborat g‘isht-betonli binoning umumiy maydoni 18 ming kvadrat metr. Yong‘in maydoni taxminan 400 kvadrat metrni tashkil etdi.
Xitoy markaziy televideniyesi ma’lumotlariga ko‘ra, yong‘inni bartaraf etishga 4 ta o‘t o‘chiruvchilar brigadasi, 107 o‘t o‘chiruvchi jalb qilingan. Yong‘in sababi o‘rganilmoqda.
Izoh (0)