Eron gʻarbida sodir boʻlgan 6,1 magnitudali zilzila sababli 140 kishi jabrlandi, bir kishi halok boʻldi. Bu haqida Press-TV telekanali maʼlum qildi, deya xabar beradi OʻzA.
AQSh geologiya xizmatining maʼlum qilishicha, yer silkinishlari 26-avgust, yakshanbaga oʻtar kechasi qayd qilingan. Zilzila markazi Kirmonshox viloyatidagi Jovonrud shahridan 31 kilometr gʻarbda, oʻchogʻi esa 8,3 kilometr chuqurlikda boʻlgan.
Al-Sumaria telekanaliga koʻra, zilzila qoʻshni Iroqning Bagʻdod shahri, Kirkuk, Sulaymoniya, Diyala va Daxuk kabi viloyatlarida ham sezilgan.
Izoh (0)