Rossiya va O‘zbekiston maxsus topshiriqli bo‘linmalari qo‘shma harbiy mashg‘ulotlarni o‘tkazdi, ular 80 km masofaga piyoda marsh bilan tugadi, deb yozadi Sputnik.
Rossiya Markaziy harbiy okrugi qo‘mondonligi va O‘zbekiston Mudofaa vazirligi o‘rtasida erishilgan kelishuvlar doirasida o‘tkazilgan haqbiy mashqlar to‘rt sutka davom etdi, maxsus topshiriqli bo‘linmalar harbiylari vazifalarni kunduzgi va tungi vaqtda bajardi.
Turli o‘qotar qurollardan o‘qlar uzildi, ko‘p kilometrli marshlar amalga oshirildi, pistirma va hujumlar uyushtirildi, asirlarni ozod qilish va boshqa mashqlar olib borildi.
Amaliy mashg‘ulotlar 27-avgust, dushanba kuni o‘rmonli hududda shartli dushmanning qurolli avtokolonnasiga hujum bilan yakunlandi. Yakunlovchi bosqichda maxsus topshiriqli bo‘linmalar ushbu hududga qarab 80 km piyoda marshni amalga oshirdi.
Izoh (0)