Oʻzbekiston korxonalariga import qilingan dondan ishlab chiqarilgan unni eksport qilishga ruxsat berildi
Donni qayta ishlovchi korxonalarni qoʻshimcha ravishda qoʻllab-quvvatlash va ularning eksport salohiyatini oshirish chora-tadbirlari toʻgʻrisidagi hukumat qarori qabul qilindi. Bu haqda Adliya vazirligi maʼlum qildi.
Qarorga muvofiq, xoʻjalik yurituvchi subyektlarga oʻzlari import qilgan donni qayta ishlash orqali ishlab chiqarilgan unni eksport qilishga ruxsat etildi.
2018 yil 1-sentabrdan donni qayta ishlovchi korxonalarning mahsulotlari uchun qoʻshilgan qiymat soligʻi boʻyicha soliq solinadigan aylanma tushum hajmidan don qiymatini chiqarib tashlab hisoblash tizimi joriy etildi.
Shuningdek, 2019-yil 1-yanvariga qadar donni qayta ishlovchi korxonalar don, un va nonni sotishda davlat maqsadli jamgʻarmalariga majburiy ajratmalardan ozod etildi.
