O‘zbekistonda so‘nggi yillarda tadbirkorlikni yanada rivojlantirish uchun qulay shart-sharoitlar yaratish bo‘yicha aniq maqsadga yo‘naltirilgan keng chora-tadbirlar amalga oshirilmoqda, deb xabar qiladi Xorazm viloyati turizmni rivojlantirish departamenti matbuot xizmati.
Shunday imkoniyatlardan biri sifatida O‘zbekiston Respublikasi Prezidentining 2018-yil 11-apreldagi “Tadbirkorlik faoliyati sohasidagi litsenziyalash va ruxsat berish tartib-taomillarini yanada qisqartirish va soddalashtirish, shuningdek, biznes yuritish shart-sharoitlarini yaxshilash chora-tadbirlari to‘g‘risidagi” PF-5409-sonli farmoni qabul qilindi. Ushbu Farmonga muvofiq, 2018-yil 1-iyun kunidan boshlab litsenziya va ruxsat berish xususiyatiga ega hujjatlarni berish funksiyasi respublika davlat boshqaruv organlaridan ularning hududiy boshqarmalariga hamda mahalliy davlat hokimiyati organlariga, shuningdek, Qoraqalpog‘iston Respublikasi Vazirlar kengashi, viloyatlar va Toshkent shahar hokimliklaridan tuman (shahar) hokimliklariga o‘tkazish huquqi berildi.
Shu munosabat bilan Xorazm viloyati turizmni rivojlantirish departamentining turizm faoliyatini litsenziyalash bo‘limiga turizm faoliyati litsenziyasini olish bo‘yicha Top Management MChJ rahbari T.Jumaniyozov ham ariza bilan murojaat qildi. Viloyat turizmni rivojlantirish departamentining ma’sul xodimlari yordami bilan qisqa muddat ichida tadbirkorga turizm faoliyati litsenziyasi berildi va 14-avgust sanasida viloyat turizmni rivojlantirish departamenti direktori tomonidan tantanali ravishda topshirildi.
Izoh (0)