O‘zbekiston Prezidenti Shavkat Mirziyoyev 10-avgust kuni Toshkent shahar Shayxontohur tumani faollari bilan uchrashgan edi. Uchrashuv davomida tadbirkorlikni rivojlantirish, sohani qo‘llab-quvvatlash bo‘yicha hali ham ko‘ngildagidek emasligi, ayni vaqtda, bu soha rivojlanmay turib, davlat ham rivojlana olmasligini ta’kidlab o‘tgan edi.
Agar biz azim shahrimiz Toshkentda tadbirkorlikni qo‘llab-quvvatlamasak, ish joyi yarata olmaymiz.Lekin bizning byurokratiya tizimimiz hali o‘zgarmagani, hali prokurorning, ichki ishlarning, soliqchining, hokimning, yer beruvchining, gaz ulovchining, chiroq ulovchining dunyoqarashi o‘zgarmagani uchun tadbirkorga yo‘l yo‘q hali. Qanday bo‘lmasin to‘siq qilish yo‘lida yuribdi bular. Oldingi tizimga o‘xshab tadbirkorni, boyni dushman deb biladi.
Boy bo‘lsin, men birinchi kundanoq aytganman — xalqimiz boy bo‘lmasa, davlat boy bo‘lolmaydi. Iloji boricha har bir sohada sharoit yaratish, imkoniyat yaratish bo‘yicha juda katta harakat qilyapmiz, lekin bitta narsani bilinglar — bu oson bo‘lmayapti. Nimaga desangiz, pastda ishlagan odamlarning bilimi, saviyasi, sadoqati, fidoiyligi yetishmayapti.
Shavkat Mirziyoyev, O‘zbekiston Prezidenti
Izoh (0)