Ўзбекистон Президенти Шавкат Мирзиёев 10 август куни Тошкент шаҳар Шайхонтоҳур тумани фаоллари билан учрашган эди. Учрашув давомида тадбиркорликни ривожлантириш, соҳани қўллаб-қувватлаш бўйича ҳали ҳам кўнгилдагидек эмаслиги, айни вақтда, бу соҳа ривожланмай туриб, давлат ҳам ривожлана олмаслигини таъкидлаб ўтган эди.
Агар биз азим шаҳримиз Тошкентда тадбиркорликни қўллаб-қувватламасак, иш жойи ярата олмаймиз.Лекин бизнинг бюрократия тизимимиз ҳали ўзгармагани, ҳали прокурорнинг, ички ишларнинг, солиқчининг, ҳокимнинг, ер берувчининг, газ уловчининг, чироқ уловчининг дунёқараши ўзгармагани учун тадбиркорга йўл йўқ ҳали. Қандай бўлмасин тўсиқ қилиш йўлида юрибди булар. Олдинги тизимга ўхшаб тадбиркорни, бойни душман деб билади.
Бой бўлсин, мен биринчи кунданоқ айтганман — халқимиз бой бўлмаса, давлат бой бўлолмайди. Иложи борича ҳар бир соҳада шароит яратиш, имконият яратиш бўйича жуда катта ҳаракат қиляпмиз, лекин битта нарсани билинглар — бу осон бўлмаяпти. Нимага десангиз, пастда ишлаган одамларнинг билими, савияси, садоқати, фидоийлиги етишмаяпти.
Шавкат Мирзиёев, Ўзбекистон Президенти
Изоҳ (0)