Toshkentdagi Aurum 898 klubining hibsga olingan qo‘riqchilaridan ikki nafari muqaddam sudlangan bo‘lib chiqdi, deb yozadi “Repost.uz”.
Xususan, 1989-yil Toshkentda tug‘ilgan, muassasaning qo‘riqlov xizmatida ishlagan Sh. Qilichev hamda 1982-yilda Samarqand viloyatida tug‘ilgan A. Hamroyev muqaddam sudlangan.
Hibsga olingan yana ikki nafar shaxs — 1994-yilda tug‘ilgan S. Kamoldinov va 1992-yilda tug‘ilgan J. Yorqulov muqaddam sudlanmagan.
Eslatib o‘tamiz, Yunusobod tuman ma’muriy sudi 11-avgust kuni Aurum 898 tungi klubining ikki qo‘riqchisiga doir ishni ko‘rib chiqdi. Har ikki qo‘riqchiga eng kam ish haqining bir barobari (9-avgust holatiga ko‘ra — 184 300 so‘m) jarima va 15 sutkalik ma’muriy qamoq jazosi tayinlangan.
Izoh (0)