Bosh vazir o‘rinbosari Aziz Abduhakimov bergan ma’lumotga ko‘ra, Davlat qabul komissiyasining 5-son bayoni asosida jami 276 ta yo‘nalish bo‘yicha oshirilgan to‘lov-kontrakt miqdorlari tasdiqlandi. Bu haqda Xushnudbek Xudayberdiyev Facebook orqali xabar bermoqda.
Unga ko‘ra, eng arzon super kontrakt miqdori 82 mln 935 ming so‘m bo‘lib, 141 ta yo‘nalishda (51,1%) abituriyentlar ayni shu miqdordagi super kontraktni to‘lab talabaga aylanishi mumkin.
Eng qimmat super kontrakt esa o‘tgan yildagidek huquq sohasi uchun belgilandi – 25 barobar! Bunga ko‘ra, yurist bo‘laman degan, lekin yetarli ball to‘play olmagan abituriyentlar birinchi yil uchun 276 mln 450 ming so‘m to‘lab, talaba bo‘lishi mumkin.
Shu kabi super-kontrakt uchun 276 ta yo‘nalishga jami 11 xil miqdordagi narxlar belgilandi.
Eslatma: to‘plagan ballari to‘lov-kontrakt doirasidagi qabul kvotalari chegarasiga 4 balldan ortiq ball yetmagan, biroq eng yuqori ballning 30%dan (56,7 ball) kam bo‘lmagan holda, o‘qish istagini bildirgan abituriyentlar super kontrakda o‘qishi mumkin.
Super kontrakt faqat birinchi yil uchun to‘lanadi (oddiy kontraktning summasi ham shuning ichida), keyingi yillarda el qatori oddiy kontrakt to‘lanadi.
Izoh (0)