Germaniyaning Nidda shahrida pashsha mini-dominodan eng uzun zanjir hosil qilish bo‘yicha jahon rekordni o‘rnatishga xalaqit qildi, deb yozadi Meduza.
Eksperiment ishtirokchilari 600 ming domino donasini bir qatorga terishni rejalashtirgan edi — biroq ular 596 229 tasini terishga ulgurdi. Shu yerdan uchib o‘tayotgan pashsha domino donalaridan biriga tegib ketdi.
“Bu fishkalar (mini-domino uchun) jimjiloq tirnog‘ining yarmiga teng. Pashsha zanjir reaksiyasini ertaroq yuzaga keltirdi, barchasini qayta tiklash uchun vaqt yo‘q edi”, — deydi tadbir tashkilotchisi Patrik Zinner.
Zanjirni hosil qilish uchun ishtirokchilar ikki hafta vaqt sarfladi, unga 20 dan ortiq kishi qatnashdi. Donalarning qulashi 15 daqiqa davom etdi.
Zinner va tajribaning boshqa ishtirokchilari mini-domino eng uzun zanjiri bo‘yicha dunyoviy emas, Germaniyada rekord o‘rnatdi (avval u 538 ming donani tashkil etgan).
Izoh (0)