Германиянинг Нидда шаҳрида пашша мини-доминодан энг узун занжир ҳосил қилиш бўйича жаҳон рекордни ўрнатишга халақит қилди, деб ёзади Meduza.
Эксперимент иштирокчилари 600 минг домино донасини бир қаторга теришни режалаштирган эди — бироқ улар 596 229 тасини теришга улгурди. Шу ердан учиб ўтаётган пашша домино доналаридан бирига тегиб кетди.
«Бу фишкалар (мини-домино учун) жимжилоқ тирноғининг ярмига тенг. Пашша занжир реакциясини эртароқ юзага келтирди, барчасини қайта тиклаш учун вақт йўқ эди», — дейди тадбир ташкилотчиси Патрик Зиннер.
Занжирни ҳосил қилиш учун иштирокчилар икки ҳафта вақт сарфлади, унга 20 дан ортиқ киши қатнашди. Доналарнинг қулаши 15 дақиқа давом этди.
Зиннер ва тажрибанинг бошқа иштирокчилари мини-домино энг узун занжири бўйича дунёвий эмас, Германияда рекорд ўрнатди (аввал у 538 минг донани ташкил этган).
Изоҳ (0)