IShID terrorchilik tashkiloti jangarilari 25 iyul kuni Suriya janubidagi as-Suvayda mintaqasida garovga olingan shaxslardan birini qatl etdi. Bu haqda “Kommersant” xabar bermoqda.
Suvaydalik jurnalist Nur Raduvanning ma’lum qilishicha, garovdagi 19 yoshli yigitni qatli aks etgan videoyozuv uning qarindoshlariga yuborilgan. Mahalliy internet-portal videoyozuvdan bir parcha e’lon qilgan.
Hozircha IShIDning o‘zi bu voqea haqida biror bayonot berganicha yo‘q.
Ma’lumot uchun, IShID 25 iyul kuni as-Suvaydada ketma-ket teraktlar uyushtirib, bir necha aholi punktlarini egallab olgan edi. Ma’lumotlarga ko‘ra, 17 nafar erkak va 30 nafar ayol (shuningdek, bolalar) jangarilar tomonidan garovga olingan.
Izoh (0)