Argentina hukumati tepasida Kristina Fernandes de Kirshner va uning turmush o‘rtog‘i Nestor Kirshner bo‘lgan davrda haydovchi Oskar Sentano 2003-yildan 2015-yilga qadar yon daftariga pora bilan bog‘liq ma’lumotlarni qayd qilib borgan, deb yozadi TJournal.
Hukumat amaldori haydovchisi bo‘lgan Senteno tashigan poralarning olingan vaqti, miqdori va hattoki pullar bo‘lgan sumkalarning vaznini ham yozib borgan. U, shuningdek, olib borilgan joylar va boshqa ko‘plab tafsilotlarni ham qayd etgan. Masalan, boshlig‘ining sport zaliga borganini.
2018-yil boshida Senteno 8 ta daftarni La Nacion gazetasiga topshiradi. Daftarlarni topshirishdan oldin esa u voqealar bayoni ustida bir necha oy ishlagan.
1-avgust sanasida esa nashr ko‘plab hibslarga olib kelgan tergov ishini e’lon qildi.
Jurnalistlar hisob-kitobiga ko‘ra uning yon daftarida 56 million dollar pora haqida gap boradi. Sudyalar fikriga ko‘ra esa poralarning umumiy miqdori 160 million dollarni tashkil qiladi.
Senteno hibsga olinganidan so‘ng tergov bilan hamkorlik qila boshlaydi. Ko‘rsatma berishdan bosh tortgan ko‘plab amaldorlar va tadbirkorlar aynan shu yon daftar tufayli qo‘lga olindi. Mazkur ishda qurilish kompaniyasi rahbari Xavyer Kabalyero, shuningdek, Energetika kompaniyasi vitse-prezidentlari Xerardo Ferreyra va Xorxe Gilyermo Neyra nomlari ham qayd etilgan.
Bloomberg nashri esa “eng muhim savol” sifatida mazkur ish Kristina Krishnerni hibsga olinishiga olib kelishi yoki olinmasligida deb ta’kidlaydi. Agar u hibsga olinadigan bo‘lsa, 2019-yildagi prezidentlik saylovlarida qatnashishi so‘roq ostida qoladi. Pora ishi bo‘yicha sud Kirshnerni daxlsizlik huquqidan mahrum etishni talab qilmoqda.
Izoh (0)