Yevropada kechayotgan issiq havo harorati sabab Avstriyaning Vena shahridagi politsiya itlari jaziramaga qarshi maxsus oyoq kiyimiga ega bo‘ldi, deb yozadi TJournal.
Xuddi shunday “mulozamat”ga Shveysariyaning Syurix shahri politsiyasi itlari ham sazovor bo‘ldi. Qayd etilishicha, politsiyachilar itlariga oyoq kiyimni kiydirish yoki kiydirmaslikni o‘zlari hal qiladi.
Syurix shahri politsiyasi matbuot kotibi so‘zlariga ko‘ra, maxsus oyoq kiyimlar politsiyachi itlarga ko‘plab hollarda, masalan, shisha siniqlari mavjud bo‘lgan, yoki avtomobildan giyohvand moddalarni qidirish bilan bog‘liq operatsiyalarda kiydiriladi.
Oddiy it egalariga ham o‘z hayvonlarini shu tariqa issiqdan himoya qilish tavsiya etilmoqda.
Oyoq kiyimni kiydirish uchun oddiy test o‘tkazish kifoya: agar asfalt inson oyog‘ini kuydirsa, bilingki, bu itingiz uchun ham xavfsiz emas.
Izoh (0)