Европада кечаётган иссиқ ҳаво ҳарорати сабаб Австриянинг Вена шаҳридаги полиция итлари жазирамага қарши махсус оёқ кийимига эга бўлди, деб ёзади TJournal.
Худди шундай «мулозамат»га Швейцариянинг Цюрих шаҳри полицияси итлари ҳам сазовор бўлди. Қайд этилишича, полициячилар итларига оёқ кийимни кийдириш ёки кийдирмасликни ўзлари ҳал қилади.
Цюрих шаҳри полицияси матбуот котиби сўзларига кўра, махсус оёқ кийимлар полициячи итларга кўплаб ҳолларда, масалан, шиша синиқлари мавжуд бўлган, ёки автомобилдан гиёҳванд моддаларни қидириш билан боғлиқ операцияларда кийдирилади.
Оддий ит эгаларига ҳам ўз ҳайвонларини шу тариқа иссиқдан ҳимоя қилиш тавсия этилмоқда.
Оёқ кийимни кийдириш учун оддий тест ўтказиш кифоя: агар асфальт инсон оёғини куйдирса, билингки, бу итингиз учун ҳам хавфсиз эмас.
Изоҳ (0)