30-iyul, dushanba kuni Zimbabveda prezidentlik va parlament saylovlari bo‘lib o‘tadi. Zimbabve tarixida ilk marta mamlakat sobiq yetakchisi Robert Mugabe saylovlarda ishtirok etmaydi. Bu haqda “Rossiya 24”ga tayanib, “Vesti.ru” xabar bermoqda.
Saylov oldidan Mugabe hozirgi prezidentini emas, muxolifat yetakchisini qo‘llab-quvvatlashini ma’lum qilgan.
Prezidentlik lavozimi uchun mamlakatning hozirgi rahbari Emmerson Mnangagva va 7 ta partiya alyansi nomidan Nelson Chamisa o‘z nomzodini qo‘ygan. Saylovga 6 millionga yaqin kishi ovoz berish uchun kelishi kutilmoqda.
Dastlab Mnangagvaning saylovda yutib chiqish ehtimoli yuqori ekani haqida ma’lum qilingan edi. Biroq hozirda barcha nomzodlarning imkoniyati tenglashgani haqida gapirilmoqda.
Zimbabveda siyosiy inqiroz 2017-yilning kuzida harbiylar Mugabeni iste’foga chiqishini talab qilganida boshlangan.
Izoh (0)