Toshkentda “O‘zdavergeodezkadastr” qo‘mitasi va Niderlandiyaning TomTom kompaniyasi vakillari o‘rtasida muzokaralar bo‘lib o‘tdi. Bu haqda qo‘mita matbuot xizmati xabar berdi.
Muzokaralar chog‘ida O‘zbekistonning sayyohlik salohiyatini oshirish maqsadida mahalliy navigatsion xarita yaratish bo‘yicha hamkorlik o‘rnatish masalalari muhokama qilindi. Tomonlar smartfon, avtoulov navigatorlari, shaxsiy navigatorlar va veb-dasturlar uchun marshrutni rejalashtiruvchi navigatsiya xaritalarini yaratish bo‘yicha hamkorlik memorandumini imzolash, shuningdek, qo‘mita xodimlarining saloрiyatini oshirishga kelishib oldi.
Navigatsiya xaritasi sayohatchilarga yo‘l va sayyohlik belgilarini topishda, diqqatga sazovor bo‘lgan joylar, mehmonxona va restoranlarga borish yo‘nalishini aniqlashda, shuningdek, sayyohlik yo‘nalishlarini rejlashtirishda amaliy yordam berishi ko‘zda tutilmoqda. Bu esa, o‘z navbatida, mamlakatning turistik jozibadorligini oshirishga xizmat qiladi.
TomTom yetakchi global brendlardan biri bo‘lib, turli mahsulotlar savdosi bilan shug‘ullanadi. Uning platformasiga har kuni 800 milliondan ortiq foydalanuvchi kiradi. Jumladan, Apple barcha mobil aloqalariga o‘rnatilgan navigatsiya dasturlarida TomTom xaritalaridan foydalanib keladi.
Izoh (0)