Тошкентда «Ўздавергеодезкадастр» қўмитаси ва Нидерландиянинг TomTom компанияси вакиллари ўртасида музокаралар бўлиб ўтди. Бу ҳақда қўмита матбуот хизмати хабар берди.
Музокаралар чоғида Ўзбекистоннинг сайёҳлик салоҳиятини ошириш мақсадида маҳаллий навигацион харита яратиш бўйича ҳамкорлик ўрнатиш масалалари муҳокама қилинди. Томонлар смартфон, автоулов навигаторлари, шахсий навигаторлар ва веб-дастурлар учун маршрутни режалаштирувчи навигация хариталарини яратиш бўйича ҳамкорлик меморандумини имзолаш, шунингдек, қўмита ходимларининг салориятини оширишга келишиб олди.
Навигация харитаси саёҳатчиларга йўл ва сайёҳлик белгиларини топишда, диққатга сазовор бўлган жойлар, меҳмонхона ва ресторанларга бориш йўналишини аниқлашда, шунингдек, сайёҳлик йўналишларини режлаштиришда амалий ёрдам бериши кўзда тутилмоқда. Бу эса, ўз навбатида, мамлакатнинг туристик жозибадорлигини оширишга хизмат қилади.
TomTom етакчи глобал брендлардан бири бўлиб, турли маҳсулотлар савдоси билан шуғулланади. Унинг платформасига ҳар куни 800 миллиондан ортиқ фойдаланувчи киради. Жумладан, Apple барча мобил алоқаларига ўрнатилган навигация дастурларида ТомТом хариталаридан фойдаланиб келади.
Изоҳ (0)