Rossiya mudofaa vazirligi delfinlarni nafaqat jangchi qilish, balki suv ostidagi obyektlarni aniqlash maqsadlarida ham sotib olmoqda. Bu haqda Qoradog‘ ilmiy stansiyasi direktori vazifasini bajaruvchi Roman Gorbunov ma’lum qildi, deb yozmoqda “RIA Novosti”.
Stansiya xodimining so‘zlariga ko‘ra, mudofaa vazirligi ikki yil avval beshta Qora dengiz afalini delfinini ovlash bo‘yicha tender o‘tkazgan. Qo‘shimcha qilinishicha, Kazachey va Sevastopolda harbiy mutaxassislar tomonidan foydalaniladigan delfinariya joylashgan.
Olimlarning aytishicha, bugungi sharoitda delfinlardan harbiy maqsadlarda foydalanish zarur emas. Zamonaviy texnik tizimlar 1970-yillarda AQSh va SSSRda delfinlarni o‘rgatish jarayonida qo‘yilgan vazifalarni bajarishga imkon beradi. Bundan tashqari, ular rivojlanishi odamlarga yaqin bo‘lgan hayvonlar bilan bu turdagi tajribani o‘tkazish etikaga to‘g‘ri kelmaydi, deb hisoblaydi.
Izoh (0)