Latviyada 16-iyul kuni poyezd relslar orasida uxlab yotgan ayolning ustidan o‘tib ketdi. Bu haqda “Korrespondent.net” xabar berdi.
Poyezdning odam urib yuborgani haqidagi xabardan keyin hodisa joyiga yetib kelgan politsiya 1964-yilda tug‘ilgan ayolning spirtli ichimlik ta’sirida bo‘lganini aniqlagan. U uxlayotgan vaqtda poyezd uning ustidan o‘tib ketgan.
Ayol temiryo‘l oldiga kelgan vaqtda juda mast bo‘lganini tan olgan.
U tibbiy ko‘rikdan o‘tkazilganda tanasida hech qanday jarohat aniqlanmagan. Holat yuzasidan ma’muriy ish qo‘zg‘atilgan.
Izoh (0)