AQShning O‘zbekistondagi elchisi Pamela Spratlen Fulbright Foreign Student, Fulbright Visiting Scholar hamda Humphrey Fellowship grant dasturlari orqali Qo‘shma Shtatlarga o‘qish va tadqiqot o‘tkazish uchun ketayotgan 7 nafar o‘zbekistonlik mutaxassis bilan uchrashdi. Bu haqda elchixona matbuot xizmati ma’lum qildi.
Bu mutaxassislar har yili qabul qilinuvchi yuzlab ariza topshiruvchilar orasidan tanlab olindi.
Quyida ushbu mutaxassislar va ular borayotgan o‘quv dargohlari bilan tanishish mumkin:
Kallibek Kazbekov, atrof-muhit muhandisligi sohasida Vashington davlat universitetida magistrlikka o‘qiydi;
Nozima Shamsiyeva, Eski Dominion universitetida ta’lim sohasidagi rahbarlik bo‘yicha ta’lim oladi;
Akbarjon Mahmudjonov, moliyaviy iqtisod sohasida magistrlik uchun Ogayo universitetida ta’lim oladi;
Dilnora Azimova, sog‘liqni saqlash va xavf-xatarlarni bartaraf etish sohasida Michigan davlat universitetida magistrlik darajasi olish uchun tahsil oladi;
Gulnora Bogdalova, Toshkent davlat pedagogika universiteti o‘qituvchisi, Pensilvaniya davlat universitetida 10 oylik Hamfri dasturida ishtirok etadi;
Murodjon Rashitov, Endokrinologiya ilmiy-amaliy tibbiyot markazi olimi, Boston universitetida qalqonsimon bez epidemiologiyasi bo‘yicha bir yil davomida tadqiqot olib boradi;
Toshpo‘lat Rajabov, O‘zbekiston Fanlar akademiyasida katta tadqiqotchi, Jorjiya universitetida “O‘zbekiston yaylovlarini ekologik baholash” mavzusida 10 oylik tadqiqot o‘tkazadi.
Izoh (0)