Motofristayl bo‘yicha musobaqalarning nufuzli qatnashchilaridan biri Trevis Pastrana amerikalik kaskadyor Ivel Knivelning uchta rekordini yangiladi. Las-Vegasda bo‘lib o‘tgan maxsus tadbirda u 52 ta avtomobil, 16 ta avtobus va favvoraning ustidan sakrashni amalga oshirdi. Bu haqda “Motor” xabar berdi.
https://twitter.com/Drake72Jason/status/1016127379020963840
Birinchi va eng qisqa sakrash 52 ta avtomobilning ustidan amalga oshirilgan. Uning uzunligi 43,59 metrni tashkil qildi. 1973-yilda Knivel motosiklda 50 ta mashina ustidan sakrab, havoda 36,58 metrni uchib o‘tgan. Ikkinchisi — har birining balandligi 3,5 metr bo‘lgan 16 ta avtobus ustidan sakrash. Sakrash uzoqligi — 58,52 metr. Ivel Knivel 1975-yilda 14 ta avtobus ustidan sakrab, 40,54 metrni uchib o‘tgan.
https://twitter.com/Drake72Jason/status/1016139873013547009
Pastrananing so‘nggi va yakunlovchi sakrashi “Sezar-Palas” mehmonxonasi yonidagi favvora ustidan amalga oshirildi. Poygachi balandligi 4,6 metr bo‘lgan favvora ustidan sakrab, 45,23 metr natijani qayd etgan. Knivelning sakrash uzoqligi esa 1967-yilda 42,98 metrni tashkil qilgan.
https://twitter.com/Drake72Jason/status/1016155547832373248
Izoh (0)