Yilning o‘tgan davrida Toshkent shahri ko‘chalarida 396 554 ta qoidabuzarlik holati qayd etildi. Bu haqda “O‘zbekiston 24” telekanali orqali 7-iyul kuni efirga uzatilgan “Tezkor xabarlar” ko‘rsatuvida ma’lum qilindi.
Shulardan 97 174 tasi qo‘pol qoidabuzarlik, 30 040 tasi mast holda transport vositasini boshqarish, 198 316 ta holatda transport vositasini xavfsizlik kamarini taqmasdan boshqargan, 763 ta holatda esa haydovchilar yo‘l-patrul xizmati inspektorlarining talablariga bo‘ysunmagan.
Haydovchilardan 4 462 nafari harakat davomida uyali telefondan foydalangan. 9 070 ta holatda haydovchilar to‘xtash va to‘xtab turish qoidalarini buzganliklari ma’lum bo‘ldi.
Yil boshidan Toshkent shahrida 685 ta yo‘l-transport hodisasi sodir etilgan bo‘lib, 829 nafar fuqaro tan jarohati olgan. 2017-yil bilan taqqoslaganda, hodisalar 51 taga kamayishiga erishilgan, jarohatlar soni esa 34 taga kamaygan.
Mavzuga doir: O‘zbekiston yo‘llarida bir haftada 144 YTH yuz berdi, oqibatda 132 fuqaro jarohatlandi
Mavzuga doir (2018-yil, 5-aprel): Raqam: Toshkentda yil boshidan beri YTHlar oqibatida 37 kishi halok bo‘ldi
Izoh (0)