Hindistonning Rojaston shtatida avtobus va ag‘darma mashinaning to‘qnashishi oqibatida kamida 7 kishi halok bo‘lgan, 20 kishi jarohat olgan. Bu haqda “RIA Novosti”ga tayanib, “Gazeta.ru” xabar bermoqda.
Mahalliy politsiya bergan ma’lumotlarga qaraganda, ag‘darma mashina qarama-qarshi yo‘lakka o‘tib olgan va avtobus bilan to‘qnashib ketgan. Har ikki haydovchi YTH joyidan qochib ketgan.
Jarohat olganlarning barchasi shifoxonaga yotqizilgan, ulardan ayrimlarining ahvoli o‘ta og‘ir deya baholanmoqda.
Avvalroq, Hindistonda avtobusning poyezd bilan to‘qnashuvi oqibatida 13 nafar bola halok bo‘lgani xabar qilingan edi.
Izoh (0)