Toshkent shahrining Shayxontohur tumanida yashovchi, 1986-yilda tug‘ilgan Shoxruh Baymirov tanishlari, Jizzax viloyati Zarbdor tumanida yashovchi B.K., J.I. va S.K.ga shakar sotish bilan shug‘ulanayotgani evaziga katta daromad ko‘rayotgani bilan maqtanadi. Bu haqda IIV jamoatchilik va OAV bilan aloqalar boshqarmasi xabar berdi.
Shoxruh Baymirov 2017-yilning noyabr oyidan dekabr oyi oxiriga qadar ularga tadbirkorlik qilish uchun pul tikishlarini taklif qiladi va har oyda berilgan summaning 10 foizi miqdorida “daromad puli” berib turishni va’da qiladi.
Uning so‘zlariga ishongan tanishlari Baymirovga jami 350 million so‘m beradi. Biroq u va’dasini bajarmay, olgan pullarini o‘z ehtiyojlari uchun ishlatib yuboradi.
Hozirda Shoxrux Baymirovga nisbatan jinoyat ishi qo‘zg‘ailib, uni ushlash choralari ko‘rilgan.
Uning qayerda ekanligi haqida ma’lumotga ega bo‘lganlardan ichki ishlar organlarining hududiy bo‘limlariga xabar berish yoki 102 telefon raqamiga qo‘ng‘iroq qilish so‘ralgan.
Izoh (0)