Тошкент шаҳрининг Шайхонтоҳур туманида яшовчи, 1986 йилда туғилган Шохруҳ Баймиров танишлари, Жиззах вилояти Зарбдор туманида яшовчи Б.К., Ж.I. ва С.К.га шакар сотиш билан шуғуланаётгани эвазига катта даромад кўраётгани билан мақтанади. Бу ҳақда ИИВ жамоатчилик ва ОАВ билан алоқалар бошқармаси хабар берди.
Шохруҳ Баймиров 2017 йилнинг ноябрь ойидан декабрь ойи охирига қадар уларга тадбиркорлик қилиш учун пул тикишларини таклиф қилади ва ҳар ойда берилган сумманинг 10 фоизи миқдорида «даромад пули» бериб туришни ваъда қилади.
Унинг сўзларига ишонган танишлари Баймировга жами 350 миллион сўм беради. Бироқ у ваъдасини бажармай, олган пулларини ўз эҳтиёжлари учун ишлатиб юборади.
Ҳозирда Шохрух Баймировга нисбатан жиноят иши қўзғаилиб, уни ушлаш чоралари кўрилган.
Унинг қаерда эканлиги ҳақида маълумотга эга бўлганлардан ички ишлар органларининг ҳудудий бўлимларига хабар бериш ёки 102 телефон рақамига қўнғироқ қилиш сўралган.
Изоҳ (0)