Shavkat Mirziyoyev o‘zbek-tojik davlat chegarasining ayrim hududlari haqidagi shartnomani ratifikatsiya qilish bo‘yicha qonunni imzoladi. Bu haqda “Gazeta.uz” xabar bermoqda.
Shartnoma Shavkat Mirziyoyevning Tojikistonga davlat tashrifi davomida 9-mart kuni Dushanbeda ikki davlat rahbarlari tomonidan imzolangandi.
Qonun joriy yil may oyi oxirida Qonunchilik palatasi tomonidan qabul qilindi, iyun oyi yakunida Senat tomonidan ma’qullandi.
O‘zbekiston va Tojikiston o‘rtasidagi davlat chegarasi 1,33 mingdan ortiq kilometrga cho‘zilgan bo‘lib, uning 20 foizga yaqin qismi delimitatsiya qilinmagan edi.
Tomonlar ikki mamlakat chegara hududlaridagi muhandislik to‘siqlarini zararsizlantirish bo‘yicha qo‘shma guruh ham tuzdi. Bu ish 2019-yilda yakuniga yetishi ko‘zda tutilmoqda.
Izoh (0)