Toshkent shahrida masjidni xususiylashtirmoqchi bo‘lgan kriminal avtoritet Shuhrat Nosirov va uning ukasi Shavkat Nosirov huquqni saqlash organlari tomonidan qo‘lga qo‘lga olindi. Bu haqda “O‘zbekiston 24” telekanaliga tayanib, Sputnik xabar berdi.
O‘tkazilgan tekshiruv natijasida aniqlanishiga ko‘ra, aka-uka Nosirovlar Do‘mbirobod mavzesida joylashgan “Nosirxon” masjidining ustavi, muhri va boshqa hujjatlarini olib ketib, masjid nomini o‘zgartirish va uni o‘z nomlaridan boshqarishga harakat qilgan.
Undan tashqari, Nosirovlar ushbu mavzeda istiqomat qiluvchi boshqa fuqarolarning uylarini qo‘rqitish va tayziq yo‘li bilan olib qo‘ymoqchi bo‘lgan.
Xabarda aytilishicha, Shuhrat Nosirov, kriminal dunyodagi laqabi Shuhrat “Domrabadskiy”, 1957-yilning 27-aprelida Toshkentda tug‘ilgan. Hibsga olingunga qadar Chilonzor tumanining Naqqoshlik ko‘chasi, 42-uyda yashab kelgan.
U 1993-yilda, firibgarlik, o‘g‘irlik va transport vositasini olib qochish kabi jinoyatlarda ayblanib, 15 yilga ozodlikdan mahrum etilgan va 2016-yilning avgustiga qadar qamoqda bo‘lgan.
Shavkat Nosirov 1956-yilning 15-oktabrida tug‘ilgan. Oldin sudlanmagan. Rossiya fuqarosi. Tadbirkorlik bilan shug‘ullangan. Chilonzor tumani, Naqqoshlik ko‘chasida, 44-uyda vaqtincha yashab kelgan.
https://youtu.be/hv1mFa9SiEs
Izoh (0)