Тошкент шаҳрида масжидни хусусийлаштирмоқчи бўлган криминал авторитет Шуҳрат Носиров ва унинг укаси Шавкат Носиров ҳуқуқни сақлаш органлари томонидан қўлга қўлга олинди. Бу ҳақда «Ўзбекистон 24» телеканалига таяниб, Sputnik хабар берди.
Ўтказилган текширув натижасида аниқланишига кўра, ака-ука Носировлар Дўмбиробод мавзесида жойлашган «Носирхон» масжидининг устави, муҳри ва бошқа ҳужжатларини олиб кетиб, масжид номини ўзгартириш ва уни ўз номларидан бошқаришга ҳаракат қилган.
Ундан ташқари, Носировлар ушбу мавзеда истиқомат қилувчи бошқа фуқароларнинг уйларини қўрқитиш ва тайзиқ йўли билан олиб қўймоқчи бўлган.
Хабарда айтилишича, Шуҳрат Носиров, криминал дунёдаги лақаби Шуҳрат «Домрабадский», 1957 йилнинг 27 апрелида Тошкентда туғилган. Ҳибсга олингунга қадар Чилонзор туманининг Наққошлик кўчаси, 42-уйда яшаб келган.
У 1993 йилда, фирибгарлик, ўғирлик ва транспорт воситасини олиб қочиш каби жиноятларда айбланиб, 15 йилга озодликдан маҳрум этилган ва 2016 йилнинг августига қадар қамоқда бўлган.
Шавкат Носиров 1956 йилнинг 15 октябрида туғилган. Олдин судланмаган. Россия фуқароси. Тадбиркорлик билан шуғулланган. Чилонзор тумани, Наққошлик кўчасида, 44-уйда вақтинча яшаб келган.
https://youtu.be/hv1mFa9SiEs
Изоҳ (0)