Toshkent shahridagi muhtasham “Milliy” stadionida 30-iyun — Yoshlar kuni munosabati bilan “Yoshlar — O‘zbekiston kelajagi” deb nomlangan bayram gala-konserti o‘tkazildi. Bu haqda O‘zA xabar bermoqda.
Toshkent shahar hokimligi, O‘zbekiston yoshlar ittifoqi Toshkent shahar kengashi hamda bir qator davlat va jamoat tashkilotlari bilan hamkorlikda tashkil etilgan shodiyonaga 20 mingga yaqin tomoshabin keldi.
Tadbirda Toshkent shahar hokimi Jahongir Ortiqxo‘jayev kirish so‘zi bilan ochib, mamlakatda yoshlarning ijtimoiy faolligini oshirish, ularni mustaqil fikrlashi, orzu-intilishlari, qobiliyat va salohiyatini ro‘yobga chiqarishga qaratilayotgan alohida e’tibor yuksak samaralar berayotganini ta’kidladi.
Mudofaa vazirligining faxriy qorovuli va harbiy orkestrining alohida musiqiy-ko‘rgazmali chiqishlari yoshlar olqishiga sazovor bo‘ldi.
Yosh sportchilarning ko‘rgazmali chiqishlari, badiiy jamoalar, estrada xonandalari ishtirokidagi konsert dasturi barchada katta taassurot qoldirdi.
Izoh (0)