Melaniya Tramp o‘g‘liga qaratilgan tahdidlardan keyin Maxfiy xizmatga murojaat qildi

AQSh prezidentining rafiqasi Melaniya Tramp o‘zi va o‘g‘liga qaratilgan tahdidlardan keyin Maxfiy xizmatga murojaat qildi, deb yozadi “TASS”.

The Daily Caller internet-portali xabariga ko‘ra, birinchi xonim va uning o‘g‘liga qaratilgan tahdid bilan Twitter’da aktyor Piter Fonda chiqish qilgan. “Biz Berron Trampni onasining bag‘ridan yulib olib, pedofillar bilan bitta qafasga solib qo‘yishimiz kerak”, — deb yozdi u o‘z postida haqoratomuz iboralardan foydalanib.

Melaniya Trampning vakili Stefani Grishemning ma’lum qilishicha, Maxfiy xizmat xodimlari ushbu tahdid haqida xabardor qilingan. Grishemning so‘zlariga ko‘ra, Twitter’dagi bu xabar bema’nilik va mas’uliyatsizlikdir.

Berron Tramp — AQSh prezidenti Donald Trampning kenja o‘g‘li 2006-yilda tug‘ilgan.