АҚШ президентининг рафиқаси Мелания Трамп ўзи ва ўғлига қаратилган таҳдидлардан кейин Maxфий хизматга мурожаат қилди, деб ёзади «ТАСС».
The Daily Caller интернет-портали хабарига кўра, биринчи хоним ва унинг ўғлига қаратилган таҳдид билан Twitter’да актёр Питер Фонда чиқиш қилган. «Биз Бэррон Трампни онасининг бағридан юлиб олиб, педофиллар билан битта қафасга солиб қўйишимиз керак», — деб ёзди у ўз постида ҳақоратомуз иборалардан фойдаланиб.
Мелания Трампнинг вакили Стефани Гришемнинг маълум қилишича, Maxфий хизмат ходимлари ушбу таҳдид ҳақида хабардор қилинган. Гришемнинг сўзларига кўра, Twitter’даги бу хабар бемаънилик ва масъулиятсизликдир.
Бэррон Трамп — АҚШ президенти Дональд Трампнинг кенжа ўғли 2006 йилда туғилган.
Изоҳ (0)